Интелигентни информациони системи (4+1)

1. Oпшти информации

Вредноста на ИТ пазарот во Македонија во 2006 година изнесуваше 85,4 милиони долари. Тоа е 1,4% од бруто домашниот производ (БДП). Се очекува вредноста на пазарот во 2010 година да порасне на 200 милиони долари и нејзиниот удел во БДП да порасне на 3%. Во Македонија функционираат повеќе од 400 ИТ фирми и ИТ вработувањата се два пати повеќе од националниот просек според истражувањата на МАСИТ .

Магистерските студии по Интелигентни информациони системи ќе им овозножат на студентите да се стекнат со знаење и вештини за анализа, дизајн и имплементација на напредни информациони системи кои во повеќе сегменти ги вклучуваат најновите технологии од повеќе области – информатички технологии, информациони системи и бази на податоци, компјутерска интелигенција и машинско учење.